ერთიანი ნაციონალური მოძრაობის, პარტია სახელმწიფო ხალხისთვის, პარტია ახალი საქართველოსა და სხვა პარტიების ლიდერები ედპ-ს ოფისში იკრიბებიან.

პარტია სახელმწიფო ხალხისთვის ლიდერი, ნიკა მაჭუტაძე ჟურნალისტებთან საუბრისას ამბობს, რომ ისინი დღეს შექმნილი ვითარების გასაანალიზებლად შეიკრიბნენ და სახავენ სამომავლო გეგმებს.

შეკრებაზე მივიდა გიორგი ვაშაძე, რომელმაც განაცხადა, რომ ვინც კი თავს ოპოზიციურ პარტიად მიიჩნევს, ყველა იქ უნდა მივიდეს და ერთად შეცვალონ ხელისუფლება.

ვაშაძემ აღნიშნა, რომ ის არის ზაზა სარალიძის მხარდამჭერი და რომ ის "სარალიძის თავს არავის დააჩაგვრინებს".

პარლამენტიდან ედპ-ს შენობისკენ აქციის მონაწილეების ნაწილმა ზვიად კუპრავასთან ერთად გადაინაცვლა.

პარალელურად, ზაზა სარალიძე პარლამენტის წინ კარავში რჩება. მან თქვა, რომ თუ აქამდე მხოლოდ საზოგადოებას სთხოვდა გვერდში დგომას, ახლა ყველა პოლიტიკურ პარტიას მოუწოდებს, გაერთიანდნენ სისტემის დასანგრევად.