ევროპული საქართველო ხელისუფლებას პროკურორის თანამდებობაზე შალვა შავგულიძეს სთავაზობს. ამის შესახებ პარტიის ლიდერმა, დავით ბაქრაძემ რამდენიმე წუთის წინ ბრიფინგზე განაცხადა.

ამ ეტაპზე უცნობია რას ფიქრობს ამ წარდგენაზე თავად შალვა შავგულიძე და განიხილავს თუ არა ქართული ოცნება მის კანდიდატურას.

გუშინ, 31 მაისს თბილისის საქალაქო სასამართლომ ხორავას ქუჩის საქმეზე ერთი ბრალდებული სარალიძის ნაწილში გაამართლა, ხოლო მეორე ბრალდებულს სარალაძის ნაწილში მუხლი შეუცვალეს და განზრახ მკვლელობიდან, მკვლელობის მცდელობად გადაკვალიფიცირდა.

განაჩენის გამოცხადების შემდეგ ზაზა სარალიძემ პროკურატურასთან აქცია გამართა და შოთაძის გადადგომა და საქმეში გარეული პირების დასჯა მოითხოვა. რამდენიმე საათში ირაკლი შოთაძე გადადგა. ამ დროიდან მთავარი პროკურორის თანამდებობა ვაკანტურია.