ოდესმე მოგდომებიათ, რომ ისეთ ადგილას გემოგზაურათ, რომელიც ცისარტყელას ჰგავს? ამ ოცნების ასასრულებლად ზღაპრების კითხვა და წარმოსახვის დაძაბვა აღარ არის საჭირო, რადგან დღეს ცისარტყელა მთებზე მოგიყვებით, რომელთა სანახავადაც პერუში უნდა გაემგზავროთ.

ფოტო: Getty Images

ვანიკუნკას მთა, რომელსაც მეორენაირად "შვიდი ფერის მთას" ეძახიან, პერუს ერთ-ერთ რეგიონში, კუსკოში მდებარეობს და თავისი განუმეორებელი სილამაზით, მსოფლიოს სხვადასხვა კუთხიდან, დღემდე არაერთ ტურისტსაც იზიდავს.

ალბათ საინტერესოა, თუ რა აძლევს მთას ასეთ შეფერილობებს. პირველ რიგში, უნდა აღინიშნოს, რომ იმ ფოტოების უმრავლესობა რომელსაც ინტერნეტში ნახავთ, ფოტო-მანიპულაციის საშუალებით უფრო მკვეთრი და ხასხასა ჩანს.

ფოტო: Getty Images

თუმცა თუ აქ მოგზაურობას გადაწყვეტთ და ვანიკუნკას მთას საჭირო დროსა და განათებაზე იხილავთ, ის ფოტოშოპის გარეშეც ნამდვილად თვალისმომჭრელად ლამაზი მოგეჩვენებათ. რეალურად ამ არაჩვეულებრივ ხედში ყვითელი, მწვანე, წითელი და ნარინჯისფერი ფერები დომინირებს.