მალელმა არალეგალმა მიგრანტმა, მამოუდუ გასამამ, რომელმაც პარიზში ბავშვი აივნიდან ჩამოვარდნას გადაარჩინა, საფრანგეთის მოქალაქეობა მიიღო. ინფორმაციას BBC ავრცელებს.

ის ელისეის სასახლეში საფრანგეთის პრეზიდენტმა ემანუელ მაკრონმა მიიღო, სიმამაცისთვის მადლობა გადაუხადა, მედალი აჩუქა და საფრანგეთის მოქალაქეობა შესთავაზა. გასამას მაკრონმა მეხანძრედ სამსახურიც შესთავაზა.

22 წლის კაცი მალიდანაა, ის პარიზში 2017 წლის ბოლოს ჩავიდა. მას არ უფიქრია თავის უსაფრთხოებაზე, როდესაც აივანზე ჩამოკიდებული ბავშვი დაინახა. ის ყველანაირი დაცვის გარეშე აძვრა აივნებზე და იმ ადგილს მიაღწია, სადაც ბავშვი იყო ჩამოკიდებული.

ბინის ქვემოთ უამრავი ადამიანი იყო შეკრებილი, რომელიც ამ მომენტს იღებდა. ბავშვის მეზობელი კი, გვერდითა აივნიდან მის ხსნას ცდილობდა და ვერ წვდებოდა. მას შემდეგ, რაც გასამამ ბავშვი იხსნა, ბინის ქვემოთ შეკრებილებმა ის ტაშითა და ოვაციებით გაამხნევეს.

ადგილზე შეკრებილებმა ინტერნეტში ვიდეო და ფოტოები გაავრცელეს, რომლებიც უკვე მილიონობით ადამიანმა ნახა.

გაიგეთ მეტი: ადამიანის ფორმაში გამოწყობილი სპაიდერმენი ბავშვის გადასარჩენად მეოთხე სართულზე წამებში აძვრა