სომხეთის პრეზიდენტმა, არმენ სარქისიანმა თავისუფლების მოედნიდან საქართველოს მოსახლეობას მიმართა და დამოუკიდებლობის ასი წლისთავი მიულოცა. სარქისიანმა ისაუბრა სომხურ-ქართული ურთიერთობების ისტორიულ კონტექსტზე და მადლობა გადაუხადა ქართველებს სტუმარ-მასპინძლობისთვის.

სარქისიანმა აღნიშნა, რომ თბილისი ყოველთვის იყო სომეხი და ქართველი ხალხის მეგობრობის სიმბოლო, საქართველო კი ამიერკავკასიის კულტურული ცენტრი.

"გაუმარჯოს საქართველოს, გაუმარჯოს სომხურ-ქართულ მეგობრობას", - სარქისიანმა გამოსვლა ამ სიტყვებით, ქართულად დაასრულა.

დღეს, 26 მაისს საქართველო 1918 წელს დამოუკიდებლობის აღდგენას და პირველი რესპუბლიკის 100 წლისთვს აღნიშნავს.