ევროკავშირის ელჩი საქართველოში იანოშ ჰერმანი საქართველოს დამოუკიდებლობის 100 წლისთავს ტვიტერზე სპეციალური ვიდეოს საშუალებით ულოცავს.

იანოჰ ჰერმანის თქმით, მან საქართველოში იცხოვრა და კარგად ესმის ის გრძნობები, რომლითაც საქართველოს მოქალაქეები მათი პირველი დემოკრატიული რესპუბლიკის შექმნის 100 წლისთავს აღნიშნავენ.

"მე ვიზიარებ ამ გრძნობებ, მე ვიზიარებ მათ იმიტომაც, რომ მესმის რამდენად რთული იყო საქართველოს მოქალაქეებისთვის საბჭოთა მმართველობის დროს დამოუკიდებლობის რესპუბლიკის ძალიან მყარ საფუძველზე აღდგენა", - ამბობს იანოშ ჰერმანი.

მისი თქმით, ევროკავშირში ამაყობენ რომ საქართველოს დამოუკიდებლობას მხარი დაუჭირეს და ამყობენ ასევე იმ ძალისხმევით, რაც მას შემდეგ საქართველომ გააკეთა ქვეყნის მოდერნიზებისა და ევროკავშირთან დასაახლოებლად.

"მე ვგრძნობ, რომ საქართველოს ყველა მოქალაქეს შეუძლია იამაყოს იმით, რაც მიღწეულია და საქართველოს ყველა მოქალაქეს აქვს მყარი საფუძველი მომავალ საუკუნეს ოპტიმიზმით შეხედოს. ამ აზრებით მინდა შემოგიერთდეთ ამ ღირსსახსოვარი თარიღის აღსანიშნავად. ასე, რომ ამ შემთხვევაში მინდა ვთქვა, ვულოცავ საქართველოს პირველი რესპუბლიკის 100 წლისთავს", - ამბობს იანოშ ჰერმანი.