თბილისში 28 მაისს, საღამოს შვიდ საათზე თბილისის პარლამენტის წინ ცხოველთა მსხვერპლშეწირვის აკრძალვის საპროტესტო აქცია გაიმართება. როგორც აქციის ორგანიზატორები ამბობენ, აქცია ლომისობის დღესასწაულს უკავშირდება.

"ამ დღეს ხდება ცხოველთა მსხვერპლშეწირვა, რომელიც არის არაქრისტიანული და სასტიკი რიტუალი. ეს სისხლისღვრა უარყოფითად აისახება მოსახლეობაზეც, რადგან აღვივებს აგრესიასა და სიძულვილს. რიტუალურ მკვლელობებს საერთო არაფერი აქვს ცივილიზებულ საზოგადოებასთან", - ნათქვამია ღონისძიების ტექსტში.

ორგანიზატორების განცხადებით, მათ უკვე მიმართეს პარლამენტს პეტიციით, ასევე შეტანილია საკანონმდებლო ინიციატივა ცხოველთა მსხვერპლშეწირვის აკრძალვის მოთხოვნით:

"ჩვენ მოვითხოვთ ხელისუფლებისაგან საკანონმდებლო დონეზე აკრძალოს ცხოველთა მსხვერპლშეწირვა და საპატრიარქოს მოვუწოდებთ გამოიყენოს საკუთარი უფლებამოსილება ამ სისასტიკის შესაჩერებლად".

ამავე თემაზე: