საქართველოს სახელმწიფო ელექტროსისტემა საქართველოში ელ-ენერგიის გათიშვის მიზეზებთან დაკავშირებით განცხადებას ავრცელებს. კომპანია საქართველოს რამდენიმე ათასი აბონენტის გათიშვის მიზეზებზე საუბრობს.

"დღეს, 20 საათზე და 11 წუთზე ავარიულად გამოირთო ენგურჰესის ჰიდროელექტროსადგური რამაც გამოიწვია ენერგოსისტემაში ელექტროენერგიის დეფიციტი რის გამოც ქვეყნის რამდენიმე რეგიონს და თბილისის ნაწილს შეუწყდა ელექტროენერგიის მიწოდება. სისტემაში არსებული რეზერვების და იმპორტის ხარჯზე ამ ეტაპზე მიმდინარეობს მოსახლეობის ეტაპობრივი ჩართვა", - აღნიშნულია კომპანიის განცხადებაში.

თბილისის ზოგიერთ უბანში ელ-ენერგიის გათიშვასთან ერთად შეწყდა წყლის მიწოდებაც.

ამავე თემაზე: საქართველოს ნაწილს ელ-ენერგია ამ დრომდე არ მიეწოდება