სომხეთის პრეზიდენტმა, არმენ სარქისიანმა თავის რეზიდენციასთან შეკრებილ დემონსტრანტებთან ერთად იცეკვა. სარქისიანმა ხალხური ცეკვა – ქოჩარი შეასრულა.

პირველი არხის ინფორმაციით, აქციაზე ქვეყნის სამხრეთ-აღმოსავლეთ ნაწილში მდებარე ამულსარის ოქროს საბადოს ექსპლუატაციას აპროტესტებდნენ.

სარქისიანი აქციის მონაწილეებს დაპირდა, რომ მათ პეტიციას შეისწავლის. მომიტინგეებმა სარქისიანს პასუხისთვის ორდღიანი ვადა მისცეს, თუ მათი მოთხოვნა არ შესრულდა, აქციას გაანახლებენ.