ნიდერლანდებში, ქალაქ ზვალეში სამგზავრო მატარებელი სარკინიგზო გადასასვლელეზე ამწეს დაეჯახა, რის შემდეგაც რელსებიდან გადავიდა.

BBC თვითმხილველებზე დაყრდნობით წერს, ამწე სარკინიგზო გადასასვლელს კვეთდა, რა დროსაც შეჯახება მოხდა. ქალაქის მერის ცნობით, დაღუპულია ერთი ადამიანი, თუმცა, დაშავებულთა შესახებ დამატებითი ინფორმაცია ჯერ არ ვრცელდება.

ბრიტანული ტელეარხის ინფორმაციით, ავარიის დროს მატარებელში 15 ადამიანი იმყოფებოდა.