საქართველოს პარლამენტის თავმჯდომარემ ირაკლი კობახიძემ საქართველოს პარლამენტში შინაგან საქმეთა მინისტრის გიორგი გახარიას მოხსენების შეფასებისას განაცხადა, რომ 12 მაისის სპეცოპერაციას ლეგიტიმური მიზანი ჰქონდა და ჩარევა იყო ასევე პროპორციული.

პარლამენტის თავმჯდომარის თქმით, არც ერთი საჩივარი ომბუდსმენთან, ასევე გენერალურ ინსპექციაში მეტყველებს იმაზე, რომ პოლიცია მოქმედებდა თანაზომიერების პრინციპის შესაბამისად

"ამ აქციებთან მიმართებით პოლიციამ იმოქმედა ზედმიწევნით კარგად და ამის ძალიან კარგი ინდიკატორი გარდა სხვა ინდიკატორებისა იყო, იმედგაცრუებული ოპონენტები, რომელიც ჩვენ ვიხილეთ ერთ-ერთი ტელევიზიის ეთერში", - განაცხადა ირაკლი კობახიძემ.

პარლამენტის პლენარულ სხდომაზე შინაგან საქმეთა მინისტრის მოხსენება დასრულდა.

შს მინისტრმა პარლამენტში სამ თემაზე ისაუბრა:

  • 2018 წელს შსს-ს მიერ გაწეული სამუშაოს შედეგების შესახებ;
  • შსს-ში მიმდინარე და დაგეგმილი რეფორმების შესახებ;
  • 2018 წლის 12 მაისს კლუბ "ბასიანსა" და "გალერიში" ჩატარებული საგამოძიებო მოქმედებების შესახებ.