საქართველოს შინაგან საქმეთა მინისტრის, გიორგი გახარიას თქმით, საქართველოში არსებულ ფაშისტური ჯგუფებთან სამართლებრივად საბრძოლველად მოქმედი კანონმდებლობა ნაწილობრივ არაეფექტურია. ამის შესახებ გახარიამ საქართველოს პარლამენტში ქართული ოცნების დეპუტატის, თამარ ჩუგოშვილის კითხვაზე პასუხის გაცემის დროს ისაუბრა.

"თუმცა ეს იმას არ ნიშნავს, რომ ჩვენ შესაბამისი ინსტრუმენტები არ გვაქვს", - აღნიშნა გახარიამ.

13 მაისს ფაშისტურმა ჯგუფებმა თბილისის პარლამენტის შენობასთან შეკრებილ ადამიანებს სიტყვიერი შეურაცხყოფა მიაყენეს და მათი გამოხატვის თავისუფლების შეზღუდვა სცადეს.