პარლამენტში ქართული ოცნების დეპუტატმა და ხარაგაულის მაჟორიტარმა კობა ლურსმანაშვილმა, შს მინისტრისთვის კითხვის დასმის დროს, მხოლოდ ჰომოფობიური შინაარსის განცხადება გააჟღერა. პლენარულ სხდომაზე დღეს, 18 მაისს დეპუტატები შს მინისტრ გიორგი გახარიას უსმენენ.

ლურსმანაშვილმა შს მინისტრს კლუბ ბასიანსა და კაფე გალერიში ჩატარებულ საგამოძიებო მოქმედებების საკითხზე მიმართა.

პარლამენტის წევრის ჰომოფობიურ გამონათქვამს მხოლოდ მაღალი საზოგადოებრივი ინტერესიდან გთავაზობთ:

"მე, მათგან განსხვავებით, ვისაც აღიზიანებს თქვენს მიმართ გამოთქმული მადლობები, ისევ იმ ჯგუფის მიმართ ვიქნები კრიტიკული, რომლებიც საუბრობენ, რომ მინისტრი და სამინისტრო ასეთ ღონისძიებას ატარებს. როდესაც უმცირესობები, ნარკომანები, ნარკორეალიზატორები და მათი მხრიდან ორგანიზებული ჯგუფები ძალადობენ საზოგადოებაზე, ასეთ შემთხვევაში, მათ რეაქციებს ვერ ვხედავ ხოლმე. მე, როგორც პარლამენტის წევრი, მივესალმები თქვენს მიდგომებს, რა თქმა უნდა, როგორც მომხმარებლების, ასევე სხვადასხვა უმცირესობების უფლებები უნდა იყოს დაცული ჩვენს საზოგადოებაში. როგორც მოქალაქე, მე ვითხოვ, დაცული იყოს იმ საზოგადოების ინტერესები, რაც ხშირად სხვების მიერ ფეხქვეშ ითელება, სწორედაც ნარკომანების, ნარკორეალიზატორობისა და პედერასტების მიერ".