შინაგან საქმეთა სამინიტრო ადასტურებს, რომ აიისას დამფუძნებელი, ანანია გაჩეჩილაძე წვრილმანი ხულიგნობისთვის დაკავა. პრესსამსახურში არ განმარტეს რაში გამოიხატა ხულიგნობა და იგულისხმება თუ არა პრეზერვატივის გაშვება საზოგადოებრივი წესრიგის დარღვევად.

"თაბუკაშვილის ქუჩაზე საპატრულო პოლიციამ დაინახა პრეზერვატივებით სავსე ტაქსი, რამაც მათი ყურადღება მიიქცია. თვითონაც დაარღვია საზოგადოებრივი წესრიგი, წვრილმანი ხულიგნობის ფაქტი იყო და პოლიცია შესაბამისად მოიქცა. პატრულთანაც და ზოგადადაც დაარღვია, მის ქცევას ვგულისხმობ", - უთხრეს On.ge-ს შსს-ს პრესსამსახურში.

გაჩეჩილაძის თქმით, პოლიციამ ანტიჰომოფობიური აქცია-პერფომანსის გამართვა ჩაუშალა, რომელზეც ლგბტ დროშის ფერებში ჰელიუმით გაბერილი პრეზერვატივების გაშვებას აპირებდნენ. როგორც გაჩეჩილაძემ On.ge-ს უთხრა, ის უკანონოდ გაჩხრიკეს, ტელეფონი წაართვეს და მიზეზის განმარტების გარეშე დააკავეს.

აიისასში ამბობენ, რომ მას შემდეგ, რაც სასამართლომ ორთითზეწამოცმული პრეზერვატივისთვის 500 ლარით დააჯარიმა, კიდევ ერთხელ დაირღვა მათი ფუნდამენდუტი უფლებები და კონსტიტუციურად გარანტირებული გამოხატვის თავისუფლება.