"ადამიანები ზეიმობენ ძალადობას ქუჩაში, ჩვენ კი ასე პარტიზანული გზებით გვიწევს ბრძოლა. გავერთიანდეთ ფაშიზმის წინააღმდეგ" , - თბილისში, ვაკის პარკთან ლგბტ აქტივისტები პარტიზანული აქცია-პერფომანს მართავენ.

"ეს არ არის საფრთხე, რომელიც ჩვენ გვემუქრება მხოლოდ და მინდა საზოგადოებას მოვუწოდო, რომ გავერთიანდეთ იმ საფრთხის წინაშე, რასაც ფაშიზმი და რასაც სიძულვილის ქადაგება ქვია. ჩვენ შემთხვევით არ შეგვირჩევია ეს ადგილი, საღამოს მასშტაბური აქციის პარალელურად ჩვენ მთელი დღის განმავლობაში ვგეგმავდით სხვადასხვა აქტივობებს, თუმცა ამწუთას და ამ დღეს არსებული კონტექსტის გათვალისწინებით ამას სრულიად სხვა დატვირთვა მიეცა", - განაცხადა ლგბტ აქტივისტმა, ეკა აღდგომელაშვილმა.

მიუხედავად იმისა, რომ დღეს კანცელარიასთან დაგეგმილი აქცია "გავიაზროთ 17 მაისი" გაუქმდა, ლგბტ აქტივისტები თბილისში სხვადასხვა ლოკაციაზე აქციებს გამართავენ.