პრინცი ჰარის საცოლემ და სამეფო ოჯახის მომავალმა წევრმა, მეგან მარკლმა, დაადასტურა, რომ მისი მამა, ტომას მარკლი, 19 მაისს გამართულ საქორწინო ცერემონიაზე მის გვერდით არ იქნება.

"სამწუხაროდ, მამაჩემი ჩვენს ქორწილს არ დაესწრება. მე მასზე ყოველთვის ვზრუნავდი და იმედი მაქვს, რომ გამოსაჯანმრთელებლად ყველაფერი ექნება. ასევე, მინდა მადლობა გადავუხადო ყველას, მხარდაჭერისთვის. ჰარის და მე ერთი სული გვაქვს, როდის გაგიზიარებთ ჩვენს განსაკუთრებულ დღეს", - ვკითხულობთ მეგანის წერილში.

ტომას მარკლი სთარბაქსში ბრიტანეთის ისტორიულ ადგილებს ეცნობა. 4 აპრილი.

ფოტო: Jeff Rayner / Coleman-Rayner

რამდენიმე დღის განმავლობაში, მითქმა მოთქმა არსებობდა იმაზე, დაესწრებოდა თუ არა სამეფო ქორწილს მარკლის მამა. განსაკუთრებით მას შემდეგ, რაც მან გულის ოპერაცია ჩაიტარა, ხოლო მეგანი მისმა ნახევარძმამ საჯაროდ გააკრიტიკა და თქვა, რომ მისი ოჯახის წევრები სამეფო ქორწილში არ მიდიოდნენ.

მეგანის მამა რამდენიმე დღის წინ განხილვის საგანი გახდა, მას შემდეგ, რაც გაირკვა, რომ აპრილის დასაწყისში პაპარაცის მიერ გადაღებული ფოტოები, რომლებშიც ის ბრიტანეთის ისტორიას ეცნობოდა, დადგმული იყო.

რამდენიმე დღის წინ, მეგანის ნახევარდამ განაცხადა, რომ ფოტოების გადაღება მეგანის იდეა იყო და მთელ ისტორიაში ის იყო "დამნაშავე".