სომხეთის პრემიერ-მინისტრად არჩევიდან ერთ კვირაში ნიკოლ პაშინიანი რუსეთის პრეზიდენტ ვლადიმერ პუტინს შეხვდა. შეხვედრა ქალაქ სოჭში ევრაზიული ეკონომიკური სამიტის ფარგლებში შედგა.

შეხვედრის დასაწყისში პუტინმა პაშინიანს პრემიერობა პირადად მიულოცა.

"ყველასთვის ცნობილია, რომ ჩვენ ვუყურებთ სომხეთს, როგორც რეგიონში ჩვენ უახლოეს პარტნიორსა და მოკავშირეს. ეს ეხება როგორც ეკონომიკურ პოლიტიკას, ისე უსაფრთხოების საკითხებს. თქვენ იცით, რომ რუსეთი რჩება სომხეთის უახლოეს სავაჭრო-ეკონომიკურ პარტნიორად", - განაცხადა პუტინმა.

პუტინმა შეხვედრის დროს ბევრი ისაუბრა სომხეთსა და რუსეთს შორის გაზრდილ სავაჭრო ბრუნვაზე. მან, ასევე, საერთაშორისო ორგანიზაციებში ქვეყნების მხარდაჭერაზეც ისაუბრა.

თავის მხრივ, ნიკოლ პაშინიანმა ვლადიმერ პუტინს თბილი სიტყვებისთვის მადლობა გადაუხადა და აღნიშნა, რომ არჩევიდან რამდენიმე დღეში რუსეთის პრეზიდენტთან შეხვერა მისთვის პატივია.

"არის საკითხები, რომლებიც უნდა განვიხილოთ. მაგრამ არის რაღაც, რაც განხილვას არ საჭიროებს - ეს მოკავშირეობაა, სომხეთსა რუსეთს შორის სტრატეგიული ურთიერთობა. შემიძლია გითხრათ, რომ ამასთან დაკავშირებით სომხეთში კონსენსუსია", - განაცხადა პაშინიანმა.

პაშინიანმა აღნიშნა, რომ სომხეთის ე.წ. ხავერდოვანი რევოლუციის დროს რუსეთის პოზიციას აფასებს.