41-საათიანი დუმილის შემდეგ, გიორგი კვირიკაშვილმა მიმდინარე მოვლენებთან დაკავშირებით განცხადება გაავრცელა. პრემიერმა აქციის ორივე მხარეს მდგომებს მიმართა და გაერთიანებისკენ მოუწოდა.

კვირიკაშვილმა აღნიშნა, რომ სიტყვის და გამოხატვის თავისუფლება მთავრობის პრიორიტეტია. მისი თქმით, ეს ბოლო რამდენიმე საათში დამტკიცდა:

"ის რომ ადამიანის სიტყვისა და გამოხატვის თავისუფლება ჩვენი პრიოროტიტეტია ბოლო საათების განმავლობაში დადასტურდა."

"მე გამოვდივარ გარანტიიით რომ თქვენს სიტყვისა და გამოხატვის თავისუფლებას არაფერი დაემუქრება, ეს ჩვენი ხელისუფლების უდიდესი მონაპოვარია და ამით ჩვენი ხელისუფლება ამაყობს. უიპირველეს ყოვლისა ეს თქვენი მონაპოვარიცაა...

პოლიცია ყველაფერს აკეთებ იმითვის რომ თქვენ შეუზღუდავად შეძლოთ თქვენი უფლებების გამოხატვა", - განაცხადა გიორგი კვირიკაშვილმა.

პრემიერს ბრიფინგზე სპეცოპერაციასთან დაკავშირებით განმარტება არ გაუკეთებია.