თბილისში მიმდინარე საპროტესტო აქციები Reuters-ის ობიექტივშიც მოხვდა.

"ხალხი შეიკრიბა თბილისის ცენტრში და აპროტესტებს შეიარაღებული პოლიციელების რეიდს ღამის კლუბებში. აქციის მონაწილეები ითხოვენ პრემიერ-მინისტრის და შინაგან საქმეთა მინისტრის გადადგომას" , - წერს გამოცემა.

თბილისში მიმდინარე მოვლენები არაერთმა უცხოურმა მედიამ გააშუქა, მათ შორის BBC-მ. მსოფლიოს მასშტაბით სხვადასხვა ქალაქებში კი სოლიდარობის აქციები იმართება.

საპროტესტო აქციები თბილისში მას შემდეგ დაიწყო, რაც 12 მაისს ღამეს კლუბ ბასიანსა და კაფე გალერიში სპეცოპერაცია ჩატარდა. ოფიციალური განცხადებით, ძალოვანებმა ნარკორელიზების ბრალდებით რვა პირი დააკავეს. სპეცოპერაცია დაპირისპირებებისა და მოქალაქეების დაკავების ფონზე მიმდინარეობდა.