საქართველოს მართლმადიდებელი ეკლესიის საპატრიარქოს ტელეარხ ერთსულოვნების ეთერში გადის პროპაგანდისტული, დისკრიმინაციული შინაარსის ვიდეომიმართვა, სადაც ადამიანები, რომლებიც ეკლესიაში არ დადიან, ცხოველებს არიან შედარებული. ვიდეოში ისმის შემდეგი შინაარსის ტექსტი:

"ეკლესიაში ყოფნა, ადამიანად ყოფნაა, მაგრამ ვინ არიან ისინი, ვინც არ დადიან ტაძარში? ნუთუ ისინი ადამიანები არ არიან, თუ მათ არა აქვს ფეხები, ყურები, თვალები? ჩემო მეგობარო, თვალები, ფეხები და სხვა ორგანოები ცხოველებსაც აქვთ, თან უფრო დიდი ზომისა, მაგრამ ამის გამო ისინი არ არიან ადამიანები. ადამიანი ცხოველისგან განირჩევა არამარტო გარეგნობით, არამედ ღვთისაგან ბოძებული აზროვნებითაც, რის ერთ-ერთ გამოვლინებას ეკლესიურობაც

ვინც არ დადის ეკლესიაში, ივიწყებს, რომ ადამიანია და ეშვება ცხოველური ცხოვრების წესამდე, ველურდება და მხეცად იქცევა

ტელეარხი ერთსულოვნება

წარმოადგენს. თუ ადამიანი არ დადის ეკლესიაში, ნუ მიწყენთ და, იგი ემსგავსება ცხოველს. თვითონ დაფიქრდით, მთელი კვირის განმავლობაში, იგი როგორც ცხოველი მუდმივად დაკავებულია საკვების მოპოვებით. მუშაობს, რომ გამოკვებოს საკუთარი თავიც და ოჯახიც. მას სძინავს, სძინავს მხეცსაც. ის ჭამს, ჭამს პირუტყვიც. ისვენებს, დასვენება სჭირდება ოთხფეხასაც. მაშ, რა განსხვავებაა? განსხვავება ჩანს კვირა დღეს. ადამიანი მიდის ტაძარში და იქ წარდგება ღვთის წინაშე, რასაც ცხოველი არ აკეთებს. ვინც არ დადის ეკლესიაში, ივიწყებს, რომ ადამიანია და ეშვება ცხოველური ცხოვრების წესამდე, ველურდება და მხეცად იქცევა. ის შეიძლება ჰალსტუხსაც ატარებდეს, დადიოდეს სუფთად, გაპარსული, მაგრამ მისი გული მხეცის გულია".

აღნიშნული ვიდეო ნაწილია ვიდეოების სერიისა "რატომ არ ვარ ეკლესიაში?" ტელევიზია აღნიშნული ვიდეოებით მსმენელს ეკლესიაში სიარულისკენ მოუწოდებს.