ყველაზე აგრესიულ ძაღლის ჯიშებს შორის, როგორც წესი, ამერიკულ პიტ ბულ ტერიერს გამოარჩევენ ხოლმე.

ეს ჯიში მეცხრამეტე საუკუნეში, ბულდოგისა და სტაფორდშირული ტერიერის შეჯვარების შედეგად გამოიყვანეს.

მას შემდეგ დიდი დრო გავიდა და ჩვენმა მკითხველმა უკვე იცის, რომ ძაღლი, რომლისაც ყველას ეშინია, სინამდვილეში ძალიან მეგობრული და მოსიყვარულეა.

თუმცა ჩვენი დღევანდელი სტატიის გმირი, სწორედ იმ სტერეოტიპული მიდგომების მსხვერპლი გახდა, რომელიც საზოგადოების დიდ ნაწილში ჯერ კიდევ არსებობს.

საქმე ის არის, რომ ეშლი იენეზს საკუთარი ლეკვის ერთ-ერთ წვეულებაზე წაყვანა უნდოდა, რათა სხვა ძაღლებთან დამეგობრებისა და თამაშის საშუალება მიეცა.

ფოტო: Ashley Yanez

თუმცა 9 თვის პიტ ბული ბლუ, ლეკვების წვეულებაზე მხოლოდ მისი ჯიშის გამო არ შეუშვეს, რამაც ეშლი ძალიან გაანაწყენა.

"ბლუ მზად იყო წვეულებაზე წასასვლელად და სხვა ძაღლებთან სათამაშოდ, მაგრამ ის მხოლოდ იმიტომ არ შეუშვეს, რომ პიტ ბულია" - წერს საკუთარ ტვიტერზე ბლუს პატრონი.

მოგვიანებით წვეულების ერთ-ერთი ორგანიზატორი ეშლის ტვიტს გამოეხმაურა, სადაც შექმნილი გაუგებრობის გამო ბოდიში მოიხადა და პირობა დადო, რომ მსგავსი ფაქტი მეორედ აღარ განმეორდებოდა.