გადაუდებელი დახმარების ოპერატორები შეძლებენ, გამოძახების დროს დაზარალებული ბავშვის მისამართი და მშობლების საკონტაქტო ინფორმაცია დაადგინონ. გადაუდებელი დახმარების ცენტრ 112-სა და განათლების მართვის საინფორმაციო სისტემას (EMIS) შორის ურთიერთთანამშრომლობის მემორანდუმი გაფორმდა.

112-ის ოპერატორები სკოლების მართვის საინფორმაციო სისტემა eSchool-ის საშუალებით, დაზარალებული ბავშვის სახელით, გვარითა და სკოლის მონაცემით მის საცხოვრებელ მისამართს და მშობლების საკონტაქტო ინფორმაციას დაადგენენ .

უწყების განცხადებით, ინფორმაციის დახურული ქსელით მიმოიცვლება და მონაცემები გარეშე პირებისგან დაცული იქნება. მათივე თქმით, მონაცემებზე წვდომა ექნებათ მარტო 112-ის ოპერატორებს და მხოლოდ ისეთ შემთხვევაში, როდესაც მოსწავლე თავის ადგილსამყოფელს ვერ დაასახელებს.

უწყებაში ამბობენ, რომ აღნიშნული სიახლე გადაუდებელი შემთხვევის დროს ოპერატიულად რეაგირებას შეუწყობს ხელს.