გაუპატიურებასა და სექსუალურ შევიწროებაში ბრალდებული რეჟისორი რომან პოლანსკი და მსახიობი ბილ კოსბი ამერიკის კინოაკადემიიდან გარიცხეს.

პოლანსკი 2009 წელს შვეიცარიის პოლიციამ დააკავა, 1977 წელს 13 წლის სამანტა გეიმერის გაუპატიურების გამო. მაშინ, პოლანსკის დასაცავად, კინოინდუსტრიის ასზე მეტმა წარმომადგენელმა, მათ შორის ჟანა მორომ, პაოლო სორენტინო, ჯუზეპე ტორნატორემ, პედრო ალმოდოვარმა, უეს ანდერსონმა, ფანი არდანმა, მარტინ სკორსეზემ, ვუდი ალენმა, ალეხანდრო გონსალეს ინიარიტუმ, დევიდ ლინჩმა, ტილდა სუინტონმა, დარენ არანოვსკიმ და სხვებმა მიმართვა გაავრცელეს, თუმცა მოგვიანებით, რამდენიმე მათგანმა ბოდიში მოიხადა.

ბილ კოსბი და რომან პოლანსკი

ბილ კოსბი და რომან პოლანსკი

რაც შეეხება კოსბის, 80 წლის ამერიკელი მსახიობი სასამართლომ 2004 წელს სექსუალური ძალადობის ფაქტზე დამნაშავედ 26 აპრილს ცნო. მსახიობს ათობით ქალი უჩიოდა, რომ ის მათ ძლიერმოქმედ საძილე საშუალებას აძლევდა და შემდეგ აუპატიურებდა. ბილ კოსბის სექსუალური ძალადობის თითოეულ შემთხვევაზე 10 წლიანი პატიმრობა ემუქრება.