სარფის საბაჟო გამშვებ პუნტზე მედიკამენტების კონტრაბანდის ბრალდებით ერთი პირი დააკავეს. ამის შესახებ ინფორმაციას ფინანსური პოლიცია ავრცელებს.

საქართველოს ფინანსთა სამინისტროს საგამოძიებო სამსახურის ინფორმაციით, ბრალდებულმა საბაჟო კონტროლისაგან მალულად, ავტომანქანაში მოწყობილი სამალავით, საქართველოს ტერიტორიაზე შემოიტანა 33 დასახელების 6 470 ლარის ღირებულების კონტრაბანდული მედიკამენტი.

საქმეზე გამოძიება საქართველოს სისხლის სამართლის კოდექსის 214-ე მუხლის პირველი ნაწილით მიმდინარეობს, რაც სასჯელის სახით ითვალისწინებს თავისუფლების აღკვეთას 3-დან 5 წლამდე ვადით.