მოწევის აკრძალვის რეგულაციით ნაკისრ ვალდებულებებს მაუწყებლები ვერ ასრულებენ

თამბაქოს მოწევის აკრძალვის შესახებ რეგულაციები უკვე ამოქმედდა, თუმცა ტელევიზიებს ჯერ ამ მოთხოვნების შესრულება არ შეუძლიათ. მიზეზი ისაა, რომ ჯანდაცვის სამინისტროს მათთვის ის პიქტოგრამები არ გაუგზავნია, რომლითაც მაყურებელს მოწევის უარყოფით მხარეებზე ინფორმაცია უნდა მიაწოდონ. თავის მხირვ, ტელევიზიებს პიქტოგრამების გაშვების ვალდებულება ყველა იმ მედიაპროდუქტის დაწყებამდე და დასრულების შემდეგ აქვთ, რომელშიც თამბაქოშ და მისი აქსესუარებს აჩვენებენ.

კანონმა მაუწყებლები ასევე დაავალდებულა ეთერში განათავსონ სოციალური ვიდეორგოლები მოწევის მავნებლობაზე. იმ მედიასაშუალებებს (რუსთავი 2, იმედი), რომლებსაც On.ge ესაუბრა არც ეს სოციალური კლიპი აქვთ მიღებული.

დაავადებათა კონტროლის სააგენტოს პრესსამსახურმა On.ge-ს განუცხადა, რომ პიქტოგრამა დღის განმავლობაში მათ ვებგვერდზე აიტვირთება, რის შემდეგადაც ის ხელმისაწვდომი იქნება.

მაუწყებლების მიერ მოწევის ამკრძალავი კანონმდებლობის დარღვევაზე რეაგირება კომუნიკაციების ეროვნულ კომისიის მოვალეობაა. კომისიამ კანონმდებლობით მოთხოვნილი ვალდებულებების შესახებ მაუწყებლებს უკვე აცნობა. On.ge-ს უწყებაში უთხრეს, რომ მაუწყებლებმა მათ უკვე აცნობეს არსებული ხარვეზის შესახებ, რასაც კომისია გაითვალისიწნებს.

პიქტოგრამის განთავსების წესი

1. რგოლი იწყება ხმოვანი შესავლით, "ნაწარმოები შეიცავს თამბაქოს ნაწარმის, თამბაქოს აქსესუარის ან მოწყობილობის მოხმარებას" (საერთო - VO);

2. შემდეგ თითოეულ პიქტოგრამას ექნება თავისივე მესიჯი, აუცილებლად ხმოვანი, იმის მიხედვით, თუ რომელი პიქტოგარამა იქნება გამოყენებული:

ვარიანტი 1 - "მოწევა ზიანს აყენებს მუცლად მყოფ ბავშვს" (კონკრეტული - VO);
ვარიანტი 2 - "თამბაქოს მოხმარება იწვევს ხორხის კიბოს" (კონკრეტული - VO);
ვარიანტი 3 - "ნუ აიძულებთ ბავშვებს ისუნთქონ თქვენი კვამლს" (კონკრეტული - VO);
ვარიანტი 4 - "მოწევით ორმაგდება თქვენი ინსულტის განვითარების რისკი" (კონკრეტული - VO).

3. "მოწევა მავნებელია თქვენი ჯანმრთელობისათვის!" (საერთო ხმა - VO);

4. "საქართველოს შრომის, ჯანმრთელობისა და სოციალური დაცვის სამინისტრო - ლოგო" (საერთო – ხმის გარეშე).