Reuters-ის ინფორმაციით, საფრანგეთის ქალაქ ნიცაში პოლიციამ ქალი და კაცი დააკავა, რომლებიც სავარაუდოდ 14 ივლისს ნიცაში მომხდარ ტერაქტში მონაწილეობდნენ, რომლის შედეგადაც 84 ადამიანია გარდაცვლილი.

ადგილობრივი სამართალდამცავი ორგანოების ინფორმაციით, ამ დროისთვის ტერაქტში ეჭვმიტანილი სულ 7 პირია დაკავებული.

16 ივლისს ISIS-ის მიერ კონტროლირებულ მედიამ, Amaq Agency-მ კი, განაცხადა, რომ ე.წ. ისლამური სახელმწიფოს მებრძოლი ნიცაში განხორციელებული ტერაქტის შედეგად დაიღუპა.

14 ივლისს ფრანგული ზღვისპირა ქალაქში 31 წლის ტუნისელი საბრძოლო მასალით დატვირთული სატვირთო მანქანით ხალხის მასაში შევარდა და თითქმის 2 კილომეტრი გაიარა. დაიღუპა 84 ადამიანი, მათ შორის არიან ბავშვებიც. ამასთან, 18 ადამიანი კრიტიკულადაა დაშავებული, 50-ზე მეტი ბავშვი კი საავადმყოფოშია გადაყვანილი.

აღნიშნულის გამო, საფრანგეთმა საგანგებო მდგომარეობა, რომელიც ივლისის ბოლოს უნდა დასრულებულიყო, კიდევ 3 თვით გააგრძელა.