თბილისში, პარლამენტის შენობის უკანა შესასვლელთან თანასწორობის მოძრაობა აქციას მართავს - "ლგბტ უფლებები ადმიანის უფლებებია".

აქციის მონაწილეები მოითხოვენ, რომ ადამიანის უფლებათა კომიტეტის თავმჯდომარე, სოფო კილაძე გადადგეს.

როგორც აქციის მონაწილე ანა სუბელიანი ამბობს, რომ კომიტეტს რამდენიმეწლიანი სამოქმედო გეგმით 17 მაისი, ჰომოფობიასთან და ტრანსფობიასთან საერთაშორისო დღე უნდა აღენიშნა.

გუშინ 30 აპრილს, ცნობილი გახდა, რომ ადამიანის უფლებათა კომიტეტი 17 მაისს არ აღნიშნავს.

"ჩვენი ნებაა, გვინდა, აღვნიშნავთ, გვინდა - არა", - განუცხადა ლიბერალის ჟურნალისტს.

პარალელურად, პარლამენტთან მიმდინარეობს კონტრაქცია, რომელიც ჰომოფობიური და ქსენოფობიური განცხადებებით გამოირჩევა. ერთ-ერთმა მონაწილე გურამ ფალავანდიშვილმა თანასწორობის მოძრაობის წევრებს კვერცხი ესროლა. პოლიციამ ის ხულიგნობის მუხლით დააკავა.