დე ფაქტო სამხრეთ ოსეთის რესპუბლიკის პრეზიდენტმა, ანატოლი ბიბილოვმა რუსეთის პრეზიდენტი და პრემიერ-მინისტრი, ვლადიმერ პუტინი და დიმიტრი მედვედევი ცხინვალის აღიარებიდან 10 წლისთავის ღონისძიებაზე დაპატიჟა. ამის შესახებ ინფორმაციას სახელმწიფო საინფორმაციო სააგენტო Рес ავრცელებს.

ბიბილოვის განცხადებით, 2018 წლის აგვისტოში არა მხოლოდ აღიარებიდან 10 წლისთავს იზეიმებენ, არამედ, ფაქტობრივად, სამხრეთ ოსეთის ხალხის "განადგურებისგან ხსნას".

"სამხრეთ ოსეთის უახლეს ისტორიაში, ეს უმთავრესი მოვლენაა. ამიტომაც მასშტაბური ღონისძიებებისთვის ვემზადებით", - განაცხადა ბიბილოვმა.

გარდა პუტინისა და მედვედევისა, ბიბილოვმა რუსეთის თავდაცვის მინისტრი, სერგეი შოიგუც დაპატიჟა.