სომხეთის ოპოზიციურმა გაერთიანებამ მათი ხელმძღვანელი და ოპოზიციური მოძრაობის ლიდერი ნიკოლ პაშინიანი სომხეთის პრემიერობის კანდიდატად წარადგინა.

"პაშანიანს ხალხის ნდობა გააჩნია. არ მგონია, რომ რაიმე პრობლემა შეიქმნას და თუკი ამ სიტუაციას გავითვალისწინებთ, ვფიქრობ, კანონმდებლები მის კანდიდატურას მხარს დაუჭერენ", ამის შესახებ Reuters-თან საუბრისას პაშინიანის თანაგუნდელმა, ედმონ მურაკიანმა ისაუბრა.

ერევანში საპროტესტო აქციები ისევ გრძელდება. ნიკოლ პაშინიანმა დღეს, 25 აპრილს, მოქალაქეებს მიმართა და საღამოს შეკრებისკენ მოუწოდა.

ოპოზიციას ამ დროისთვის ორი მთავარი მოთხოვნა აქვს, დროებით პრემიერ-მინისტრად ნიკოლ პაშინიანი დაინიშნოს და ჩატარდეს თავისუფალი ვადამდელი საპარლამენტო არჩევნები. პაშინიანმა პრესკონფერენციაზე აღნიშნა, რომ საპროტესტო ტალღა იმ დრომდე არ შეწყდება, სანამ ხალხის ყველა მოთხოვნა არ შესრულდება.

რამდენიმედღიანი აქციების შემდეგ, 23 აპრილს ახლადარჩეული სომხეთის პრემიერი, სერსჟ სარქისიანი გადადგა.