"ეს სისტემა გულისხმობს არსებული საპენსიო სისტემის ჩარჩოებში მოქცევას, იმ კუთხით, რომ პენსიონერების საბაზისო უზრუნველყოფა ყოველთვის ხდებოდეს ინფლაციის გათვალისწინებით ინდექსაციის პირობებში და ახალი დამატებითი დაგროვებითი კომპონენტის შექმნას",- პრემიერ მინისტრმა გიორგი კვირიკაშვილმა 17 მარტის მთვარობის სხდომაზე საპენსიო რეფორმის არსი განმარტა. მისი თქმით რეფორმა მომავალი წლის მესამე კვარტალიდან ჩაირთვება.

პრემიერის თქმით, საკანონმდებლო და ინსტიტუციური ცვლილებების გეგმის თანახმად, დასაქმებულის დამსაქმებლის და სახელმწიფო ბიუჯეტის მხრიდან თანადაფინანსებული დაგროვებითი სისტემა, მომავალი პენსიონერებისათვის სოციალური უზრუნველყოფის იმ დონეს შექმნის, რაც გაცილებით სხვა ხარისხის სიბერეს უზრუნველყოფს.

"არსებული საპენსიო უზრუნველყოფა იმოქმედებს დაგროვებითი სისტემის პარალელურად და ინდექსირება საბაზისო სისტემით გათვალისწინებული პენსიების ინფლაციის კვალდაკვალ მოხდება",- განაცხადა გიორგი კვირიკაშვილმა მთავრობის სხდომაზე.

რეფორმა ხორციელდება ეკონომიკის სამინისტროს კოორდინაციით, სადაც ჩართულია ყველა დაინტერესებული უწყება, მათ შორის საერთშორისო საფინანსო ინსტიტუტები.