შავის ზღვის რიგით მე-10 ჯაზ-ფესტივალი ტრადიციულად ბათუმში გაიხსნა. მუსიკალური ღონისძიება 27 გრემის მფლობელმა, ამერიკელმა კომპოზიტორმა, მესაყვირემ, არანჟირების ოსტატმა და მუსიკალურმა პროდიუსერმა ქუინსი ჯონსმა გახსნა.

პროგრამა, რომლითაც ჯაზ-ფესტივალზე ქუინსი ჯონსი წარსდგა, მხოლოდ ორ ფესტივალზე სრულდება, მათ შორის ერთ-ერთია ბათუმის შავი ზღვის ფესტივალი.

ჯაზფესტივალი Check in Georgia-ს ფარგლებში ტარდება. საიუბილეო, რიგით მე-10 ფესტივალში მსოფლიოში ცნობილი შემსრულებლები მონაწილეობენ. კონცერტები 10 დღის განმავლობაში, ყოველ საღამოს, ბათუმის ჩოგბურთის კლუბსა და ქალაქის სხვადასხვა ლოკაციაზე ჩატარდება.

2016 წლის ჯაზ-ფესტივალის მონაწილე მუსიკოსები არიან:

  • QUINCY JONES &
  • THE GLOBAL GUMBO ALL STARS;
  • JAMIE CULLUM;
  • MACY GREY;
  • THE PRODIGY;
  • Ms. Lauryn Hill;
  • MILES ELECTRIC BAND;
  • NIK WEST;
  • CHRIS BROWN.

ფესტივალის ფარგლებში, კლუბში Take Five შედგება MACY GRAY DJ SET; გაიმართება NIK WEST-ის, DJ LOGIC & Friends-ის და ასევე, ქართველი მუსიკოსების კონცერტები.