რეპერ კახა აბუაშვილის, იგივე კაბუს დედა ამბობს, რომ ის ევროპაში სამკურანლოდ იყო წასული. კაბუს ევროპაში დაკავების შემდეგ რეპერის დედა რუსთავი 2-ს ესაუბრა.

"ჯანმრთელობის მოსაწესრიგებლად წავიდა. იმკურნალა. კარგად იყო. ახლა უნდა ჩამოსულიყო გაზაფხულზე, მაგრამ თქვა ვეღარ ვახერხებ ეს მკურნალობა უნდა ჩავამთავროო. კარგად იყო, კარგად გამოიყურებოდა. დაფინანსება ჰქონდა სამასი ევრო და აქედან ჩვენც ვუგზავნიდით. ყველამ იცის ჯანმრთელობის რა პრობლემაც ჰქონდა", - განაცხადა რეპერის დედამ.

საქართველოს შინაგან საქმეთა სამინისტროს ინფორმაციით, ევროპაში კრიმინალურ დაჯგუფებასთან კავშირის ბრალდებით საქართველოს 34 მოქალაქე დააკავეს. დაკავებულებს შორის ერთ-ერთი მომღერალი კახა აბუაშვილი, იგივე კაბუა.