ჯორჯ და დორა როდრიგეზებმა 2016 წლის პირველ ივნისს მათი ქორწინების 58 წლისთავი იზეიმეს. ერთი თვის შემდეგ კი ისინი სან-ატონიოში მდებარე საკუთარ სახლში ერთმანეთის გვერდიგვერდ, ხელიხელჩაკიდებულები და ოჯახის წევრების გარემოცვაში გარდაიცვალნენ.

როდრიგეზების ქალიშვილმა კორინა მარტინეზმა CNN-ს უთხრა, რომ მისთვისაც დაუჯერებელია ასეთი რამ. მისი მშობლები ერთმანეთისგან რამდენიმე საათის დაშორებით გარდაიცვალნენ.

მარტინეზის თქმით, მისი მშობლების სიყვარულის ამბავი ისეთი რომანტიული ფილმის სიუჟეტს წააგავდა, როგორიცაა The Notebook. ფილმის მთავარი გმირები ნოა და ელი ერთმანეთის გვერდიგვერდ, ხელიხელჩაკიდებულები გარდაიცვალნენ.

ჯორჯ და დორა ლი ერთმანეთს სან-ანტონიოში მდებარე ხორცის მარკეტში შეხვდნენ, სადაც ჯორჯი ყასაბად მუშაობდა. საზღვაო ფლოტში მსახურობის შემდეგ წყვილი დაქორწინდა და ქალაქის დასავლეთ ნაწილში გადავიდა საცხოვრებლად. მათ სამი ქალიშვილი ჰყავდათ.

დროთა განმავლობაში ჯორჯს და დორას დემენცია განუვითარდათ. ჯორჯს ინსულტის შეტევები ჰქონდა, თუმცა მათი სიყვარული კვლავ ძლიერი იყო.

სამშაბათს, ჯორჯი გარდაიცვალა. რამდენიმე საათში გარდაიცვალა ორაც.

"ჩვენ ისინი შინ გვყავდნენ, საავადმყოფოს საწოლები ერთმანეთის გვერდიგვერდ იყო და ისინი ხელიხელჩაკიდებულები იყვნენ" - ამბობს მარტინეზი.

ოჯახისთვის ეს მოგონება თან მტკივნეული და თან ძალიან ძვირფასია.

მათი გარდაცვალება კი მათ სიყვარულს და თანაცხოვრებას ასახავს - ერთმანეთის გვერდით და ხელიხელჩაკიდებულები.