იუსტიციის უმაღლეს საბჭოში მოსამართლეთა კანდიდატების კენჭისყრა ადვოკატთა ასოციაციის ორგანიზებით გამართული აქციის პარალელურად დაიწყო. შენობის გარეთ მდგომი აქციის მონაწილეები კონკურსში მონაწილე რამდენიმე მოსამართლის კანდიდატურას აპროტესტებენ. ამ დროისთვის ცნობილია, რომ სამმა მოსამართლემ უკვე მოხსნა თავისი კანდიდატურაა, შესაბამისად, 65 ვაკანტურ ადგილზე კენჭს 122 მოსამართლე იყრის.

აქციის მონაწილეები ასევე მოითხოვენ, რომ იუსტიციის საბჭოს მდივანი, ლევან მურუსიძე თანამდებობიდან გადადგეს. გარდა ამისა, ადვოკატთა ასოციაციის თავჯდომარე, ზაზა ხატიაშვილი ამბობს, რომ ძალიან მნიშვნელოვანია, აღნიშნული კენჭისყრით არ დაინიშნოს სანდრო გირგვლიანის საქმის მოსამართლე. ის ასევე აღნიშნავს, რომ კანდიდატები, ჯემალ კოპალაიანი და მამია ფხაკაძე, რომლებიც კენჭისყრაში იღებენ მონაწილეობას, სააკაშვილის რეჟიმის საყრდენს წარმოადგენდნენ:

"იუსტიცის საბჭოს ორი მოსამართლე, თამარ ალანია, მერაბ გაფრინდაშვილი იყრიან კენჭს. მე მაინტერესებს, თუ ამ ოდიოზურ ფიგურებს დღეს მხარს დაუჭერს იუსტიციის უმაღლესი საბჭო, რა გასასამართლებელი საბუთი ექნება მას".

იუსტიციის საბჭოში მიმდინარე კენჭისყრას ეხმაურებიან ასევე არასამთავორობო ორგანიზაციებიც. როგორც კოალიცია დამოუოკიდებელი და გამჭვირვალე არჩევნებისათვის განმარტავს, საბჭოს მოსამართლეთა კონკურსის გასაუბრების ეტაპი რიგი ხარვეზებით წარიმართა. კოალიცია კონკურსის ჩატარებას იმ მინიმალური პროცედურული გარანტიების გვერდის ავლით, რასაც კანონმდებლობა ითვალისწინებს, უარყოფითად აფასებს.

NGO-ები: იუსტიციის უმაღლეს საბჭოში მოსამართლეთა კონკურსი ხარვეზებით მიმდინარეობს