American Horror Story-ის მერვე სეზონამდე სულ უფრო და უფრო ცოტა დრო რჩება, რაიან მერფი კი ჩვენთვის ახალ ამბებს არ იშურებს.

გასულ კვირას ცნობილი გახდა, რომ ლეგენდარული ბრიტანელი მსახიობი, 84 წლის ჯოან კოლინზი რაიან მერფისა და FX-ის სერიალ American Horror Story-ის მერვე სეზონში ითამაშებს.

გარდა ამისა, ვიცით, რომ AHS-ის მერვე სეზონს, უკვე დადასტურებულად ვიცით, რომ მთავარ როლებს კეტი ბეიტსი, სარა პოლსონი და ივან პიტერსი შეასრულებენ.

სარა პოლსონმა ცოტა ხნის წინ გაამხილა, თუ როგორ დაითანხმეს ჯოან კოლინზი American Horror Story-ში მონაწილეობაზე.

"Vanity Fair-ის ოსკარის წვეულებაზე ვიყავით მე და რაიანი, ამ დროს ჯოანი დავინახე და რაიანს ვუთხარი - ღმერთო ჩემო, აქ ჯოან კოლინზია. რაიანმა ხელი მომკიდა, მასთან მივედით და მან [რაიანმა] ჩვენი სერიალის ახალ სეზონზე დაუწყო საუბარი, შემდეგ კი როლი შესთავაზა, უთხრა, რომ იდეალური კანდიდატი იქნებოდა ევან პეტერსის ბებიის როლის შესასრულებლად. ჯოანმა თქვა, რომ იფიქრებდა და საბედნიეროდ ეს ამბავი დადებითად გადაწყდა", - ამბობს სარა პოლსონი.

84 წლის ჯოან კოლინზი, რომელმაც პოპულარობის პიკს 1980-90-იან წლებში სერიალ დინასტიაში ელექსისის როლის შესრულებით მიაღწია, დღესაც ერთ-ერთი ყველაზე მოთხოვნადი მსახიობია. დინასტიის შემდეგ ითამაშა ისეთ სერიალებში როგორიც არის ფეხბურთელების ცოლები და ცუდი გოგოები. აღსანიშნავია, რომ დინასტიის დროს სამსახიობო ანსამბლში ყველაზე მაღალი ანაზღაურება სწორედ მას ჰქონდა და ეპიზოდში $120 ათასს იღებდა.

თითქმის ყოველ წელს გამოდის ახალი ფილმი მისი მონაწილეობით და თამაშობს რომელიმე სერიალში მიწვეულ მსახიობად. წერს წიგნებს, რომელთა გაყიდვებიდან მიღებული შემოსავალი რამდენიმე მილიონ დოლარს აჭარბებს და დღეს ერთ-ერთ ყველაზე მდიდარ ქალ მსახიობად ითვლება ბრიტანეთში. აქტიურია სოციალურ ქსელშიც და იყენებს ფეისბუქს, თვითერსა და ინსტაგრამს.

შოუს შემქმნელმა, რაიან მერფიმ, ერთ-ერთი ინტერვიუს დროს გაამხილა, რომ ახალი ნაწილის სიუჟეტი მომავალში განვითარდება და მოგვიყვება იმ სააფრთხეებისა თუ შიშების შესახებ, რომლებიც მომავლის ადამიანებს ექნებათ.

გარდა ამისა, ცნობილი გახდა, რომ ოსკარის მფლობელი მსახიობი, ანჯელიკა ჰიუსტონი, შესაძლოა, შოუს ახალ ნაწილში ვიხილოთ. როგორც რაიან მერფი ამბობს მასთან მოლაპარაკებები მიმდინარეობს და თუ ანჯელიკა თანახმა იქნება, ის FX-ის პოპულარულ სერიას შეუერთდება.

ანჯელიკა ჰოუსტონს მაყურებელი არაერთი ფილმიდან იცნობს, თუმცა განსაკუთრებული პოპულარობა მას "ადამსების ოჯახში" შესრულებულმა როლმა მოუტანა.

წინასწარი ინფორმაციით FX-ის შოუს ახა სეზონს Radioactive[რადიოაქტიური] ერქმევა, თუმცა რაიან მერფი ამ ფაქტს არ ადასტურებს.

ჯერ-ჯრობით American Horror Story-ის მერვე სეზონთან დაკავშირებით სხვა დეტალები უცნობია.