ჟოზე მოურინიომ ხუმრობით აღნიშნა, რომ მას შემდეგ, რაც გვარდიოლამ მინო რაიოლას მხრიდან პოგბას შემოთავაზება გაამხილა, ამ უკანასკნელის სატრანსფერო ღირებულება გაიზარდა.

7 აპრილს გამართულ შეხვედრაში, რომელშიც მანჩესტერ სიტიმ შინ მანჩესტერ იუნაიტედი მიიღო, მასპინძლები 2:0-ს იგებდნენ, თუმცა "წითლებმა" ფერგიუსონის დრო გაიხსენეს და "ქამ ბექიც" მოახერხეს - 2:3 იუნაიტედის სასარგებლოდ. საგულისხმოა, რომ ორი გოლი სწორედ პოლ პოგბამ გაიტანა.

"თუ მისი აგენტი პოგბას სხვა გუნდებს სთავაზობდა, ე.ი. მისი ფასიც საკმაოდ გაიზარდა".

"მასთან არც პეპის შესახებ მისაუბრია და არც რაიოლას. გინდ ერთი იყოს მართალი, გინდ მეორე, ეს საკითხი არ მაინტერესებს", - აღნიშნა ჟოზე მოურინიომ.

მისივე თქმით, ფრანგი ნახევარმცველის დუბლი "ქალაქელთა" კარში მისი ფორმის ლოგიკური გაგრძელება იყო:

"მან სუონსის წინააღმდეგ კარგი შეხვედრა ჩაატარა. იგი კარგი იყო ვარჯიშებზეც, ორი ბრწყინვალე სესია ჰქონდა. ასე რომ, ეს შეხვედრაც ამ ყველაფრის ლოგიკური გაგრძელება იყო".

ამავე თემაზე: