ამერიკული ბენდის, მეტალიკას, წევრებმა კირკ ჰემეტმა და რობერტ ტრუჰილომ პრაღაში ჩეხური ფოლკლორული სიმღერა შეასრულეს. ჯგუფს კონცერტი ჩეხეთის დედაქალაქში 2 აპრილს ჰქონდა.

ჩეხებმა სიმღერა, სახელად Jožin Z Bažin, ლოს-ანჯელესიდან ჩასულ მძიმე მეტალის შემსრულებლებს ქვეყნის ეროვნულ მახასიათებლად გააცნეს.

Jožin Z Bažin პაროდიული სიმღერაა, ჭაობში მცხოვრებ ადამიანებით მკვებავ მონსტრზე, რომელიც პრაღის ტურისტებს ჭამს. სიმღერის მიხედვით, მონსტრს ჩეხური სკოდას მძღოლი ამარცხებს.

თებერვლიდან მეტალიკა ევროპაში ტურნეს მართავს, რომელიც მაისის შუა რიცხვებამდე გაგრძელდება. ევროპის ტურნე სულ 25 კონცერტს მოიცავს.