შპს საქნახშირის გენერალური დირექტორის, ჯამბულ ჯაყელის განცხადებით, მინდელის შახტის უსაფრთხოება გასული წლის დეკემბერში შემოწმდა.

გეგმიური შემოწმება ზედამხედველობის სამსახურმა და ჯანდაცვის სამინისტროს წარმომადგენლებმა ჩაატარეს.

ჯამბულ ჯაყელის თქმით, მუშების გარდაცვალება ჰაერის ჭავლმა გამოიწვია, რომელმაც ისინი კედელზე მიახეთქა.

ტყიბულში, მინდელის სახელობის შახტის ჩამონგრევისას 6 მუშა დაიღუპა, 3 დაშავდა. დაშავებულთაგან ორის მდგომარეობა სტაბილურად მძიმეა.