დმანისის გადარჩენის ფონდმა, სადაც ოპოზიციური პარტიების ნაწილი გაერთიანდა, აუქციონზე 300-წლიანი ევკალიპტის ხის შესაძენად 20 020 ლარი შეაგროვა. ფონდამ სახელმწიფოს თანხა უკვე გადაუხადა.

ისინი აცხადებდნენ, რომ ხის შეძენა საქართველოს ყოფილ პრემიერსა და ქართული ოცნების დამფუძნებელს, ბიძინა ივანიშვილს სურდა და ამიტომ იყიდებოდა. ევკალიპტი დმანისის გადარჩენის ფონდმა აუქციონზე იყიდა, ხოლო საჭირო თანხის შესაგროვებლად სპეციალური ანგარიში გახსნა.

ევკალიპტის ხე მწვანე კონცხზე მდებარეობს და მისი სიმაღლე 26-27 მეტრია. ტენდერის მოგების დროს გიორგი ვაშაძემ On.ge-ს განუცხადა, რომ სადაც იქნება პირდაპირი პოლიტიკური ინტერესი და სადაც ყოფილი პრემიერის, ბიძინა ივანიშვილის "კვალს დაინახავენ", მსგავსი პრინციპით ჩაერთვებიან პროცესში.