პარლამენტში, გარემოს დაცვის კომიტეტის სხდომაზე RMG Gold-ის საქმიანობის განხილვისას დეპუტატი გია გაჩეჩილაძე და გიორგი ვაშაძე ერთმანეთს დაუპირისპირდნენ და ერთმანეთს აგინეს.

გაჩეჩილაძემ კაზრეთში შექმნილ მდგომარეობაზე პასუხისმგებლობა ყოფილი ხელისუფლების პერიოდში იუსტიციის სამინისტროს მიერ მიღებული გადაწყვეტილებების გამო, გიორგი ვაშაძეს დააკისრა, რასაც ვაშაძის უკმაყოფილება მოჰყვა.

ვიდეოში ჩანს, რომ უკმაყოფილების შემდეგ გია გაჩეჩილაძე გიორგი ვაშაძეს უახლოვდება და რაღაცას ეუბნება. შემდეგ ისმის ვაშაძის მხრიდან შეურაცხმყოფელი სიტყვა, რასაც ქართული ოცნების დეპუტატმა დედის გინებით უპასუხა.

კომიტეტის თავმჯდომარემ ტექნიკური შესვენება გამოაცხადა.