პაატა ზაქარეშვილი თქმით, პრემიერთან საუბრისას გამოჩნდა, რომ ქართულ ოცნებას ურჩევნია, წინასაარჩევნო პერიოდში მინისტრები მკაფიოდ იყვნენ გამოკვეთილები საკუთარ პარტიულობაში. გარდა ამისა, ის აცხადებს, რომ ქართული ოცნება არ დასთანხმდა რესპუბლიკელების შეთავაზებას მინისტრთა კაბინეტში რესპუბლიკელი მინისტრების დარჩენასთან დაკავშირებით:

"გუშინ მქონდა საუბარი პრემიერთან, ძალიან კორექტული. მე ძალიან დიდ პატივს ვცემ მას და ჩვენი ურთიერთობა იყო მეგობრული და ურთიერთპატივისცემის რეჟიმში, მაგრამ მკაფიოდ გამოჩნდა პოზიცია, რომ წინასაარჩევნო კამპანიის დროს ოცნებას ურჩევნია, რომ მინისტრები იყვნენ მკაფიოდ გამოკვეთილნი საკუთარ პარტიულობაში".

ზაქარეშვილი ასევე განმარტავს, რომ ვინაიდან ის აღმსრულებელი ფიგურაა, უყვარს გადაწყვეტილებების მიღება და მათი რეალიზაცია, თავი პარლამენტის წევრად ვერ წარმოუდგენია.

დღეს რესპუბლიკელების მიერ გამართულ ბრიფინგზე ცნობილი გახდა, რომ შერიგების საკითხებში მინისტრი, პაატარა ზაქარეშვილი თანამდებობას ტოვებს. გარდა ამისა, პოსტს ტოვებს თვდაცვის მინისტრი, თინა ხიდაშელიც. გარემოს მინისტრმა, გიგლა აგულაშვილმა კი რესპულიკული პარტია დატოვა.