რეჟისორ ანა ურუშაძის ქართული ფილმი, საშიში დედა, პეკინის საერთაშორისო კინოფესტივალის მთავარ საკონკურსო პროგრამაში მონაწილეობს.

"საშიში დედა" 50 წლის ქალის - მანანას ცხოვრებას ასახავს. დედა და დიასახლისი დილემის წინაშე დგას, მას უწევს არჩევანი გააკეთოს ოჯახურ ცხოვრებასა და დიდი ხნის ვნებიან გატაცებას შორის. მანანა ცხოვრების აზრს წერაში პოულობს.

ანა ურუშაძის ფილმის გარდა, ამავე კინოფესტივალის კონკურში მონაწილეობს კიდევ ერთი ქართული ფილმი - მარიამ ხაჭვანის "დედე".

პეკინის საერთაშორისო კინოფესტივალი 15-დან 22 აპრილამდე გაიმართება.