საქართველოს საზოგადოებრივ საქმეთა ინსტიტუტი (GIPA) თავისივე მოწვეული ლექტორის, ზაზა სიამაშვილის სექსისტურ და ქალების შეურაცხმყოფელ ფეისბუქპოსტზე პასუხისმგებლობას არ იღებს.

ჯიპას საზოგადოებასთან ურთიერთობის ხელმძღვანელი, თინათინ კლდიაშვილი On.ge-სთან განმარტავს, რომ სიამაშვილი, რომელიც ფიქრობს, რომ სექსუალურ შევიწროებაზე "უმახინჯესი ვითომ ქალები საუბრობენ", მოწვეული ლექტორის სტატუსის გამო უნივერსიტეტთან აფილირებული არაა:

ლექტორ ზაზა სიამაშვილის სექსისტური პოსტი ფეისბუკზე

ფოტო: ტაბულა

"ზაზა სიამაშვილი ასწავლის ინგლისურს ერთ-ერთ პროგრამაზე. მისი განცხადება აბსოლუტურად არანაირ კავშირში არაა ჯიპასთან. ჩვენ ვემიჯნებით ამ განცხადებას."

ჯიპაში ამბობენ, რომ სიამაშვილმა ეთიკური ნორმები დაარღვია და ამ საკითხს უნივერსიტეტის აკადემიური საბჭო, რამდენიმე დღეში განიხილავს.

კითხვაზე, ამოწმებს თუ არა უნივერსიტეტი იმ პირის ღირებულებებს, რომელთანაც თანამშრომლობას აპირებს, ჯიპაში პასუხობენ, რომ საქმიანი ურთიერთობის დაწყებამდე პირს აცნობენ ეთიკის ნორმებს და მისი მხრიდან თანხმობის შემთხვევაში ფორმდება ხელშეკრულება.