Bloomberg-ის ინფორმაციით, ჩრდილოეთ კორეის ლიდერი, კიმ ჩენ ინი ჩინეთს ეწვია. გამოცემას წერს, რომ კიმ ჩენ ინისთვის 2011 წლიდან, მას შემდეგ ხელისუფლებაში მოვიდა, საზღვარგარეთ პირველი ვიზიტია. Bloomberg-ის თქმით, მათ ვიზიტის შესახებ სამმა წყარომ უამბო.

მანამდე, ჩინეთში ფხენიანის ლიდერის ვიზიტის შესახებ ინფორმაცია იაპონურმა გამოცემა Kyodo News-მა და ჩინურმა გამოცემა South China Morning Post-მა გაავრცელეს.

Kyodo News წერს, რომ კიმ ჩენ ინმა ჩინეთის საზღვარი მატარებლით გადაკვეთა და ქალაქ დანდუნში ჩავიდა. კორეული და იაპონური ტელეარხები წერენ, რომ დანდუნის სადგურზე უსაფრთხოების ზომები იყო გამკაცრებული.

კიმ ჩენ ინის სავარაუდო ვიზიტის პერიოდში პეკინსა და დანდუნში უსაფრთხოების ზომების გამკაცრებაზე წერს South China Morning Post. რას უკავშირდება ფხენიანის ლიდერის ვიზიტი, რამდენი ხანი გაგრძელდება და ვის შეხვდება ამ ხნის განმავლობაში უცნობია.