ჰოლანდიურ ჟურნალთან ინტერვიუში ფეხბურთის ცნობილმა აგენტმა მინო რაიოლამ განაცხადა, რომ მანჩესტერელებმა ტურინის იუვენტუსიდან პოგბა იაფად შეიძინეს. საუბარია არა რამდენიმე, არამედ ას მილიონზე.

"მანჩესტერ იუნაიტედმა მასში 100 მილიონი ევრო გადაიხადა, თუმცა ვფიქრობ, რომ მათ ტურინელებისთვის 200 მილიონი უნდა მიეცათ".

"იგი იაფი დაჯდა, რადგან კონტრაქტის მიხედვით, პოგბას მომავალი თავად მასზე იყო დამოკიდებული და არა კლუბზე".

მინო რაიოლასვე თქმით, პოგბაში 200 მილიონს სამეფო კლუბი გადაიხდიდა.

"იგი, შესაძლოა, რეალში გადასულიყო 200 მილიონად. მანჩესტერმა პოგბას ტრანსფერით 100 მილიონი დაზოგა".