ჩხოროწყუს მუნიციპალიტეტის საკრებულოს თავმჯდომარე, ბესიკ ესებუა ამბობს, რომ მუნიციპალიტეტში ნარკოდამოკიდებულების მქონე პირთათვის კატებისა და ძაღლების აკრძალვაზე "აჟიოტაჟს ატეხვის შემდეგ გახდა ცნობილი". საკრებულოს თავმჯდომარემ On.ge-ს დაუდასტურა, რომ დადგენილების მიღებას მანაც დაუჭირა მხარი.

კითხვაზე, წაიკითხეს თუ არა დეპუტატებმა დოკუმენტი მიღებამდე, საკრებულოს თავმჯდომარე ასე პასუხობს:

"ახლა, როგორ ფიქრობთ, რომ წაგვეკითხა და ის მუხლი რომ გვცოდნოდა, კენჭს ვუყრიდით და მხარს დავუჭერდით?"

საკრებულოს თავმჯდომარე, მისი თქმით, "ლაფსუს" ახალი საკრებულოს ფორმირების დროს ძველი, მუდმივმოქმედი კომისიების გაუქმებამ გამოიწვია.

"ძველი მოწვევის საკრებულომ დაამთავრა მუშაობა, მუდმივმოქმედი კომისიები ფაქტიურად დაიშალა. ახალმოქმედი საკრებულო დამტკიცდა, მაგრამ კომისიები არ იყო დაკომპლექტებული და რაღაც ლაფსუსი გაიპარა, რომელიც გამოსწორდება", - განმარტავს ის.

საკრებულოს თავმჯდომარე ნარკოდამოკიდებული პირებისათვის 2017 წლის დეკემბრიდან მოქმედი დისკრიმინაციული მუხლის გაუქმებას უახლოეს სხდომაზე გეგმავს. ამ დადგენილების შესახებ ცობილი დღეს, 22 მარტს გახდა.