ყოფილი ცოლის მიმართ სისტემატური ოჯახური ძალადობის ბრალდებით, ყოფილი მეუღლე პასუხისგებაში მიეცა. ინფორმაციას საქართველოს პროკურატურა ავრცელებს.

პროკურატურის განცხადებით, ყაჩაღობისთვის პირობითი მსჯავრის მქონე პირი მეუღლეზე ფიზიკურად ძალადობდა, სცემდა, აყენებდა სიტყვიერ შეურაცხყოფას და ამცირებდა, რაც დაზარალებულის ფიზიკურ და ფსიქიკურ ტანჯვას იწვევდა. გამოძიებით დადგინდა, რომ ის მეუღლეზე ძალადობდა ორსულობის დროსაც.

პროკურატურის განცხადებით, ვინაიდან რ.ბ. დღემდე თავს არიდებს საგამოძიებო ორგანოში გამოცხადებას, 2018 წლის 20 მარტს მას დაუსწრებლად წარედგინა ბრალდება. საქართველოს პროკურატურამ უკვე მიმართა თბილისის საქალაქო სასამართლოს რ.ბ-ს მიმართ აღკვეთის ღონისძიების სახით პატიმრობის გამოყენების შუამდგომლობით. წარდგენილი ბრალდება ოთხიდან ექვს წლამდე თავისუფლების აღკვეთას ითვალისწინებს.