გაერთიანებული ერების ორგანიზაციამ თურქეთს მოუწოდა გააუქმოს საგანგებო მდგომარეობა. ქვეყანაში საგანგებო მდგომარეობა სამხედრო გადატრიალების მცდელობის შემდეგ გამოცხადდა და უკვე 20 თვეა გრძელდება.

გაეროში ამბობენ, რომ საგანგებო მდგომარეობის გამო თურქეთში მოქალაქეთა უფლებები ირღვევა. კერძოდ, მასობრივი დაკავებები და სამსახურიდან გათავისუფლებები, უფლებამოსილების ბოროტად გამოყენება, დაკავებულების წამება და სასამართლო სისტემაში ჩარევა ხდება.

როიტერის ინფორმაციით, თურქეთის საგარეო სამქეთა სამინისტრომ განაცხადა, რომ გაეროს განცხადება უსაფუძვლო ბრალდებებს შეიცავს. მისი თქმით, გაეროს კრიტიკა მტრულად განწყობილი ჯგუფის პროპაგანდისტულ განცხადებას გავს.