მაია და გუკა რჩეულიშვილები თბილისის პროკურატურაში დაიბარეს, თუმცა გავრცელებული ინფორმაციით, გუკა რჩეულიშვილი, რომელიც საგამოძიებო უწყებაში 11 საათზე უნდა მისულიყო, იქ არ გამოცხადდა.

მაია რჩეულისვილის განმარტებით, რომელიც პროკურატურაში 1 საათზეა დაბარებული, გუკა რჩეულიშვილის საგამოძიებო უწყებაში დაბარება პოლიტიკურ პროცესებს უკავშირდება და მიიჩნევს, რომ გამოძიება ტენდენციურად მიმდინარეობს:

"მე გუკას მაგივრად გადაწყვეტილებას ვერ მივიღებ, ის ზრდასრული ადამიანია. რასაკვრირველია, ამ სიტუაციაში მოერიდება, რომ გამოცხადდეს [პროკურატურაში]. ჩვენთან გუკა კონტაქტზე არ გამოსულა გუშინ".

წინასწარი ინფორმაციით, საქმე ბათუმში, მაგნოლიას მშენებლობას ეხება. პროკურატურის მიმდებარე ტერიტორიაზე უკვე შეიკრიბნენ ცენტრ პოინტისგან დაზარალებული ადამიანები, რომლებიც საპროტესტო აქციის გამართვას აპირებენ.

მთავარი პროკურატურის ინფორმაციით, გუშინ თანხები მითვისების ბრალდებით, ცენტრ-პოინტის ბათუმის საინვესტიციო პროექტის ხელმძღვანელი, ირაკლი მინდელი და გაყიდვების მენეჯერი, სალომე ჩარკვიანი დააკავეს. როგოც ვნობილია, მათ ბრალს დღეს წაუყენებენ.

უკვე წლებია ცენტრ-პოინტის ასობით მომხმარებელი, რომლებმაც კომპაანიისგან ბინები იყიდეს, მათ ჩაბარებას ელოდებიან. კომპანიამ ამ დრომდე ვერ შეასრულა ნაკისრი ვალდებულებები, მათი მშენებლობების დიდი ნაწილი შეჩერებულია.