NDI-ის პრეზიდენტის კენ ვოლაკის თქმით, მარგველაშვილის ინიციატივას აშშ-ში საქართველოს მხარდამჭერი აქტის მიღების შესახებ კონგრესში დადებითად აფასებენ. ინფორმაციას საქართველოს პრეზიდენტის პრესსამსახურის ავრცელებს.

"გყავდეს საქართველო, უკრაინასთან და მოლდოვასთან ერთად ალიანსში, ემსახურება მსოფლიო მშვიდობას სტაბილურობას და ეს სტრატეგიული ალიანსი მიდის ვაშინგტონამდე - ეს არის მისი მესიჯი და ვფიქრობ, რომ დადებითი პასუხი მიიღო პრეზიდენტმა კონგრესში როგორც რესპუბლიკელებისაგან, ასევე დემოკრატებისაგან და ასევე მხარდაჭერა იქნება აშშ-ს ადმინისტრაციისგანაც", - აღნიშნა კენ ვოლაკმა.

მარგველაშვილის ინციატივა შეაფასა ატლანტიკური საბჭოს აღმასრულებელმა ვიცე-პრეზიდენტმა დეიმონ ვილსონმაც. მისი განაცხადით, საჭიროა, უფრო ლოგიკური და კარგად გაგებული, ერთობლივი სტრატეგია, რომელიც რეალურად გააძლიერებს თავისუფლების ფრონტს, რომლის ხაზიც საქართველოზე გადის.

საქართველოს პრეზიდენტი ვაშინგტონში, კონგრესში გამართულ კონფერენციაზე საქართველოს მხარდამჭერი აქტის მიღების ინიციატივით გამოვიდა.

გიორგი მარგველაშვილის განცხადებით, საქართველოს აშშ-სთან სტრატეგიული პარტნიორობა აკავშირებს და მხარდამჭერი აქტი მომდევნო ლოგიკური ნაბიჯი იქნებოდა ურთიერთობების განმტკიცებისათვის.